Mesfushori shqiptar, Ardon Jashari e ka shtuar presion mbi klubin belg, Club Brugge për të finalizuar transferimin e tij te Milani. Sipas raportimeve të gazetës “Nieuwsblad”, ai e ka bërë të qartë planet e tij të ardhshme drejt drejtuesve të Rossonerëve.

“Unë nuk do të luaj më këtu”, raportohet se i ka thënë Jashari zyrtarëve të Club Brugge. 23-vjeçari ka kaluar një periudhë të paqëndrueshme gjatë përgatitjeve parasezonale, duke u stërvitur kryesisht i vetëm dhe duke munguar në ndeshjet miqësore.

Jashari ka refuzuar oferta nga Premier Liga dhe është i vendosur të bashkohet me Milanin. Nga ana e tij, Milani ndihet se ka shkuar sa më larg në negociata, duke bërë një ofertë përfundimtare prej 38 milionë eurosh, përfshirë bonuse. Megjithatë, Club Brugge vazhdon të kërkojë rreth 40 milionë euro për mesfushorin.