Johnson telefonon Zelenskyn: Po bëjmë gjithçka për të frenuar rusët

02 mars 13:36

Kryeministri i Britanisë së Madhe, Boris Johnson, ka zhvilluar sot një bisedë telefonike me Presidentin e Ukrainës, Volodymyr Zelensky, për të diskutuar mbi pushtimin rus, që ka hyrë sot në ditën e shtatë.

“Duke ndarë neverinë e tij për sulmet në Ukrainë, kryeministri tha se Mbretëria e Bashkuar po bënte gjithçka që ishte e mundur për të mbështetur popullin ukrainas dhe rezistencën e tij”, ka thënë zyra e Johnson në një deklaratë, raporton “CNN”.

“Të dy liderët ranë dakord për nevojën që sanksionet të shkojnë më tej për të ushtruar presion maksimal mbi presidentin rus, Putin, në ditët në vijim”, thuhet më tej në deklaratë.

Ndërkohë, Presidenti Zelensky e ka falënderuar kryeministrin Johnson për mbështetjen dhe ndihmën mbrojtëse të Mbretërisë së Bashkuar, duke shtuar se “ishte jetike në frenimin e forcave ruse”.

Lajme të sponsorizuara

Të fundit
Atletët paralimpikë nga Rusia dhe Bjellorusia duhet të garojnë si…