Juventusi është klubi i radhës që ka hyrë në garë për transferimin e sulmuesit shqiptar Armando Brojës.

Reprezentuesi i Shqipërisë duket se gjatë kësaj vere përfundimisht do të largohet nga Chelsea. 22-vjeçari është një nga lojtarët më të kërkuar në tregun e kësaj vere. Pas Milanit dhe Napolit, tashmë edhe Juve është i interesuar për sulmuesin kuqezi.

Mediet italiane raportojnë se torinezët pëlqejnë sulmuesin shqiptar. Arkadiusz Milik pritet të largohet nga bardhezinjtë dhe sulmuesi shqiptar shihet si zëvendësuesi ideal i polakut. Juve, siç raportohet, synon ta transferojë lojtarin në formë huazimi. Përveç Milanit, Napolit dhe Juvës, Broja kërkohet edhe nga Evertoni dhe Wolfsburg.