Juventusi kërkon ta sfidojë Barcelonën në garë për mbrojtësin e Ajaxit, Matthijs De Ligt.

“Bardhezinjtë” duket se janë në avantazh ndaj katalanasve për shkak të marrëdhënieve të mira që kanë me agjentin e lojtarit Mino Raiola.

Gjithashtu, sipas raportimeve të medieve italiane, presidenti i Juves, Andrea Agnelli, ka zhvilluar një takim me drejtorin e përgjithshëm të Ajaxit, Edwin Van der Sar, ku kanë folur rreth transferimit të mbrojtësit në Torino. Përveç Juventusit dhe Barcelonës, Matthijs De Ligt ndiqet edhe nga anglezët e Manchester Cityt.