Binali Yildirim, kandidat i Partisë për Zhvillim dhe Drejtësi (AK Parti) për kryetar të bashkisë së Stmbollit, në deklaratën e tij për media ka thënë se në Stamboll kanë fituar zgjedhjet.

Në fjalimin në selinë e partisë së tij në qytetin e Stambollit, Yildirim ka falënderuar qytetarët e Stambollit për mandatin që i kanë dhënë.

“Ne fituam zgjedhjet në Stamboll. Faleminderit Stamboll”, ka thënë ai.

Yildirim ka thënë se Stambollin do ta shndërrojnë në një qytet ku 15 milionë qytetarë do të jetojnë të lumtur dhe në paqe.