Një 18-vjeçar ka hapur zjarr brenda një shkolle të mesme në rajonin e Dallasit, duke lënë të lënduar katër persona para se të ikte nga vendi i ngjarjes.

Autoritetet kanë bërë të ditur se të shtënat kanë ndodhur në shkollën e mesme Timbervieë në Arlinton të Texasit.

Gjatë një konference për media, autoritetet e rendit kanë konfirmuar se të shtënat kanë shpërthyer pas një zënke jashtë godinës së shkollës.

Policia është vënë menjëherë në kërkim të sulmuesit, të cilin e ka identifikuar si Timothy George Simpkin.

Zëvendësshefi i Policisë në Arlington, Kevin Kolbye, ka njoftuar se dy nga të lënduarit në këtë incident kanë pësuar plagë nga arma e zjarrit.

Ai ka specifikuar se tre prej tyre janë dërguar në spital, porse i lënduari i katërt ka refuzuar trajtimin.