Katër person kanë mbetur të vdekur dhe 19 të tjerë të plagosur, tre prej tyre në gjendje të rëndë pasi një stuhi e fuqishme përfshiu Stambollin të hënën.

Një grua u vra në lagjen Esenyurt të Stambollit, ku erëra të forta shkatërruan një pjesë të një çatie e cila ra mbi të dhe fëmijën e saj. Fëmija mbijetoi me plagë.

Për shkak të stuhisë që vazhdoi në qytet, varkat u dëmtuan, pemët u shkulën, çatitë u hodhën në erë. Bosfori ishte gjithashtu i mbyllur për kalimet e anijeve.

Stuhia, të cilën zyrtarët e meteorologjisë e kishin paralajmëruar më parë, filloi në Stamboll që nga orët e mëngjesit.

Ndërkohë që në bregdetin e Stambollit u formuan dallgë të larta me efektin e erës, disa qytetarë i fotografuan këto momente, raporton AA, përcjell Demokracia.com.

Sipas informacioneve të marra nga korrespondenti i AA nga zyrtarët e Drejtorisë së Parë Rajonale të Meteorologjisë, Beylikdüzü ishte rajoni me shpejtësinë më të madhe të erës në orë.

Në fushën e radarit Beylikdüzü, shpejtësia e erës u rrit deri në 129 kilometra në orë.

Zyrtarët e meteorologjisë thanë se era pritet të vazhdojë në të gjithë krahinën deri në mbrëmjen e nesërme.