Kërcënon Daçiqi: Veç provoni e dërgoni policinë në veri

11 nëntor 08:50

“Asnjëherë nuk ka pasur policë shqiptarë në veri të Kosovës dhe nëse kjo ndodh, serbët do të rezistojnë dhe askush nuk mund t’i ndalë”.

Kështu u shpreh ministri i Punëve të Jashtme i Serbisë, Ivica Daçiq, në një intervistë për Euronews Serbia.

“Nëse kryeministri i Kosovës, Albin Kurti, dërgon policinë në veri, mund të ketë konflikte të armatosura dhe këtë e dinë të gjithë”, theksoi ai.

Duke iu referuar propozimit franko-gjerman, ai deklaroi se është e papranueshme që të vlerësohet unanimisht në seancën e Këshillit të Sigurisë Kombëtare, sepse thelbi është “që Serbia të njohë drejtpërdrejt apo tërthorazi Kosovën.

Kjo, shtoi ai, është e papranueshme për Beogradin.

“Ne besojmë se është bërë në mënyrë të njëanshme, gjë që është e papranueshme ndërkombëtarisht. Filloi nga fakti se Prishtina dhe disa vende që e njohën besojnë se kjo çështje nuk duhet të ngrihet më. Ne besojmë se, bazuar në Rezolutën 1244, duhet të bëhet dialog. Ata duan që një zgjidhje e imponuar në mënyrë të njëanshme të pranohet nga ana jonë”, nënvizoi Daçiq.

Lajme të sponsorizuara

Të fundit
Përveç kontributit në shtimin e të ardhurave, dërgimi i droneve…