Këshilli i Investitorëve Evropian dënon sulmin ndaj Raiffaisen Bank Kosova

17 tetor 22:40

Si përfaqësues i investitorëve evropian në Kosovë, Këshilli i Investitorëve Evropian e ka dënuar sulmin ndaj degës së Raiffaisen Bank Kosova, në Ferizaj.

Sipas njoftimeve nga autoritetet, banka është dëmtuar me mjete plasëse dhe janë shkaktuar dëme të konsiderueshme.

“Veprimet e tilla të dhunshme ndaj investitorëve të huaj, nga kushdo që bëhen përveç se veprime kriminale janë kërcenim direkt për zhvillimin ekonomik të vendit, cenojnë rendin dhe ligjin dhe si të tilla janë të dënueshme. Këshilli i Investitorëve Evropian u bënë thirrje autoriteteve të vendit që të ndërmarrin veprimet e nevojshme që akterët e këtij sulmi të nxirren para drejtësisë dhe të marrin dënimin e merituar”, është thënë në reagim, duke u shtuar se Raiffaisen Bank është investitor lider në sektorin bankar në vend, duke kontribuar kështu në stabilitetin financiar dhe zhvillimin ekonomik. Mbështetjen e iniciativave biznesore dhe krijimin e standardeve me të mira te të bërit biznes në vend.

Drejtori Ekzekutiv i KIE, Emrush Ujkani, ka thënë se ky rast është mesazh negativ për investitorët e huaj.

“Shpresojmë që veprime të tilla kriminale të mos ndodhin më, ky nuk është shembulli që duam të japim para investitorëve të huaj, përforcimi i rendit dhe ligjit janë faktor kyç të tërheqjes së investimeve direket për vendin”, u shpreh Ujkani.

 

 

Lajme të sponsorizuara

Të fundit
ë dielën në Kosovë do të mbajë mot kryesisht i…