Kështu do të jetë moti gjatë ditëve në vijim

06 dhjetor 17:21

Instituti Hidrometeorologjik i Kosovës (IHMK) ka bërë me dije se java e ardhshme parashihet të jetë mjaft “dinamike” sa i përket elementeve dhe dukurive meteorologjike.

Reshjet e shiut parashihen të fillojnë sonte për të vazhduar edhe gjatë ditës së hënë, pasi jemi nën ndikimin e masave të ajrit me presion të ulët atmosferik.

Vranësirat të dendura të stadit të mesëm dhe të ulët të troposferës të cilat kanë mbuluar territorin tonë, vazhdojnë të intensifikohen dhe si rezultat parashihen reshje shiu të intensitetit mesatar deri të lartë.

Dita e hënë dhe e mërkurë parashihen të jenë me më shumë reshje, derisa ditët tjera parashihen të kenë më pak reshje edhe ato vende-vende.

Në viset malore, parashihen mundësitë për reshje bore. Situatë e paqëndrueshme pritet të mbajë edhe për gjatë shteteve fqinjë.

Maqedonia parashihet të ketë më shumë reshje krahasuar me shtetet tjera të kufirit. Temperaturat në nivel vendi parashihen të lëvizin ndërmjet 2-4 gradë celsius, ndërsa maksimalet e ditës parashihen të lëvizin ndërmjet 7-9 gradë celsius.

Kushtet biometeorologjike do të jenë relativisht të mira, kur është fjala te cilësia e ajrit, pa i lënë të përmendim edhe kushtet agrometeorologjike të cilat do të jenë në favorin e bimësisë për shkak të reshjeve të cilat parashikohen gjatë ditëve vijuese. Do të fryjë erë kryesisht nga veriperëndimi me shpejtësi 1-9 m/s, ndërsa në rrafshin e Dukagjinit, kryesisht në veriperëndim, shpejtësia maksimale parashihet të arrijë deri në 15 m/s.

Lajme të sponsorizuara

Të fundit
Trajneri nga Shqipëria, Gentjan Mezani edhe pse është ndarë me…