Kim Kardashian i kërkon zyrtarisht divorcin Kanye West

25 shkurt 17:23

Kim Kardashian ka paraqitur zyrtarisht kërkesën për divorc nga reperi Kanye West, raportojnë mediat amerikane. Çifti është i martuar prej thuajse shtatë vitesh dhe ka katër fëmijë.

Lajmi është dhënë nga uebsajti i lajmeve për personat e famshëm TMZ, pas muajsh të tërë thashethemesh për vështirësitë martesore të tyre. Raportet në mediat amerikane sugjerojnë se ylli i reality-show, 40 vjeçe, ka kërkuar kujdestari të përbashkët ligjore dhe fizike të fëmijëve.

Asnjëri prej tyre ndërkohë nuk ka bërë komente në publik. Çifti është mes më të njohurve në botë dhe të dy janë shumë të suksesshëm në punën e tyre.

Kim e fitoi famën në 2007, si yll i një serie televizive që kishte të bënte me të dhe familjen e saj.

Keeping up with Kardashians, ka mbetur shumë popullor që atëherë, me serinë e tij të 21-të dhe të fundit që do të transmetohet vitin e ardhshëm.

Kim Kardashian ka pasur sukses edhe në shumë fusha të tjera të biznesit dhe Forbes e vlerëson pasurinë e saj personale në rreth 780 milionë dollarë.

Ndërkohë i njohur për hite ndërkombëtare, Kanye Ëest ka qenë një nga emrat më të mëdhenj në muzikën rap për më shumë se 15 vjet.

Ai ka fituar edhe një çmim Grammy, ka patur sukses edhe si stilist mode ndërkohë që ka kandiduar edhe për president të shteteve të bashkuara të Amerikës./tch/

Lajme të sponsorizuara

Të fundit
Këngëtarja shqiptare me famë ndërkombëtare, Bebe Rexha, ka nisur xhirimet…