Shumë zyrtarë shtetërorë tashmë kanë përmbushur obligimin e tyre në lidhje me deklarimin e pasurisë.

Edhe këtë herë në Agjencinë për Parandalimin e Korrupsionit (APK) shumë prej këtyre zyrtarëve kanë deklaruar pasurinë e tyre dhe atë çfarë kanë në pronësi bashkë me bashkëshortin/en.

Edhe presidentja e vendit, Vjosa Osmani ka deklaruar pasurinë që posedon, duke përfshirë këtu edhe banim, tokë, shtëpi, veturë e të tjera.

Si pasuri të paluajtshme në kuadër të deklarimit në pronësi të Vjosa Osmanit u deklarua vetëm një tokë e blerë sipas deklarimit me kursime dhe borxh në vitin 2016 në vlerë 35 mijë euro.

Kurse në pronësi të bashkëshortit, Prindon Sadriu janë deklaruar një banesë e blerë me kursime dhe kredi. Një garazh kolektive, një shtëpi në Australi që kap vlerën e 170 mijë eurove. Po ashtu një banim me e blerë me kursime, borxhe dhe nga shitja e banesës në Prishtinë në vlerë hiç më pak se 208 mijë euro.

Po ashtu është deklaruar edhe një banim në Australi e blerë në vitin 2023 në vlerë 510 mijë euro (e blerë nga shitja e shtëpisë në Australi), nga kursimet familjare e të tjera).

Një veturë e tipit “Mercedes” e blerë në vitin 2022 në vlerë 10 mijë euro po ashtu u deklarua në emër të Prindon Sadriut, bashkëshortit të Vjosa Osmanit.

Para të gatshme në llogari rrjedhëse, Vjosa Osmani, ka deklaruar se nga paga dhe mëditjet 2.511.00 euro.

E në një bankë australiane janë raportuar 116 dollarë si kursime të bashkëshortit.

Kurse sa i përket kredive apo detyrimeve që kanë presidentja Osmani dhe bashkëshorti i saj janë deklaruar: Këst i papaguar në vlerë 16 mijë euro për punët e shtëpisë dhe huamarrje për pagesën e banimit në Melburne, 40 mijë e 500 euro.

Nga të dhënat vjetore personale dhe familjare Osmani ka deklaruar se 33 mijë e 104 euro pati të hyra vjetore nga paga e presidentes, kurse 11 mijë e 639 euro nga mëditjet e  udhëtimet jashtë vendit.

Po ashtu aty janë deklaruar edhe paga e bashkëshortit sit ë hyra vjetore me 11 mijë e 68 euro dhe nga qiratë në Australi me 12 mijë e 500 euro. Pagesa nga vendimet gjyqësore në kuadër të MPJD-së, 19 mijë e 233 euro dhe mëditjet nga MPJD saktësisht 2 mijë e 795 euro.