Gjatë ditës së sotme është raportuar se Gjykata Speciale ka arrestuar ish-deputetin e Kuvendit të Kosovës, Haxhi Shala.

Lidhur me këtë ka reaguar ushtruesi i detyrës së kryetarit të Organizatës së Veteranëve të Luftës së UÇK-së, Faton Klinaku.

Klinaku është shprehur se bastisjet, arrestimet e ekstradimet bëhet për të mbuluar dështimet e skandalet.

“Pengimin e drejtësisë e ka bërë dhe e bën Zyra e Prokurorit të Specializuar (ZPS) në Hagë. Bastisjet, arrestimet e ekstradimet, siç ndodhi sot me bashkëluftëtarin Haxhi Shala, bëhen për t’i mbuluar dështimet dhe skandalet e njëpasnjëshme të tyre”, ka shkruar Klinaku në “Facebook”.