Klubi Letrar “Shkreptima e Maleve” në Deçan, në frymën e nxitjes dhe promovimit të krijimtarisë poetike shqiptare, ka shpallur Konkurs Letrar për Poezi dhe, me këtë rast, i ka ftuar krijuesit nga të gjitha trojet shqiptare që të bëhen pjesë e kësaj ngjarjeje letrare.

Kushtet e pjesëmarrjes

Çdo autor mund të konkurrojë vetëm me një poezi;

Poezia duhet të jetë e pabotuar më parë;

Gjatësia e poezisë nuk duhet të kalojë 30 vargje;

Tema e poezisë është e lirë;

Poezia duhet të dërgohet në format Word;

Dorëzimi bëhet vetëm me shifër (kod) për të garantuar vlerësim të paanshëm nga juria profesionale;

Poezitë duhet të dërgohen në adresën elektronike të klubit: [email protected]

Çmimet

Juria profesionale do të japë çmimin letrar “Naim Fetaj” për tri poezitë më të mira të konkursit:

Çmimi i parë: 500.00 €

Çmimi i dytë: 300.00 €

Çmimi i tretë: 200.00 €

Afati i konkursit

Konkursi është i hapur nga 10 marsi 2026 deri më 15 prill 2026 në orën 24:00.

Shpallja e fituesve

Fituesit do të shpallen gjatë Orës së Madhe Letrare, e cila do të mbahet më 9 maj 2026, me fillim nga ora 12:00, në Llukë të Poshtme-Deçan, në Kullën e Shekullit XXI, pronë e Rrustem Gecaj.

Kjo veprimtari synon t’i bashkojë zërat poetikë nga të gjitha trevat shqiptare dhe të krijojë një hapësirë ku fjala artistike të shpërthejë si një shkreptimë drite.

Botimi i përmbledhjes poetike

Poezitë të cilat do të përzgjedhen nga juria për lexim, do të botohen në një përmbledhje poetike para edicionit të dytë të këtij manifestimi letrar.