Komiteti Olimpik i Kosovës ka uruar gazetarët sportivë për 2 Korrikun – Ditën Botërore të Gazetarëve Sportivë.

KOK-u thotë se vlerëson lart punën dhe përkushtimin e gazetarëve sportivë, të cilët janë infuzioni dhe zëri i sportit tonë.

“KOK vazhdimisht ka vlerësuar dhe vlerëson lart punën dhe përkushtimin e gazetarëve sportivë, të cilët janë infuzioni dhe zëri i sportit tonë, duke e pasqyruar me profesionalizëm, pasion dhe korrektësi çdo sukses, sfidë e emocion nga arena vendore dhe ndërkombëtare. Faleminderit që jeni ura që lidh sportin me publikun!”, është thënë në urimin e KOK-ut.