Pasi doli informacioni se Trump mund të autorizonte pjesëmarrjen e ushtrisë amerikane në luftën në Iran, reagimet e para po vijnë brenda Kongresit kundër një akti të tillë.

Përfaqësuesi republikan Thomas Massie dhe demokratja Ro Khanna thanë se do të propozonin një masë që do ta detyronte Trump të merrte miratimin e Kongresit për të hyrë në konfliktin midis Izraelit dhe Iranit.

“Kjo nuk është lufta jonë. Nëse është, Kongresi duhet të vendosë për çështje të tilla në përputhje me Kushtetutën tonë. Unë do të paraqes një rezolutë dypartiake për fuqitë e luftës për të ndaluar pjesëmarrjen tonë. I bëj thirrje të gjithë anëtarëve të Kongresit ta mbështesin këtë rezolutë”, tha Massie.

Rashida Tlaib gjithashtu komentoi mbi rezolutën, duke thënë se do ta mbështeste këtë dokument në Kongres.

“Pres me padurim të mbështes këtë Rezolutë për Fuqitë e Luftës. Populli amerikan nuk do të bjerë përsëri pre e saj. Na gënjyen për armët e shkatërrimit në masë në Irak që vranë miliona dhe ndryshuan jetë përgjithmonë. Është e papranueshme që Trump të shkojë në luftë pa votë në Kongres”, tha ajo.