Drejtori ekzekutiv i Odës Ekonomike Amerikane në Kosovë, Arian Zeka, pati një takim produktiv me Lyn Debevoise, zëvendësdrejtor për Çështjet e Evropës Perëndimore dhe Qendrore në Departamentin e Shtetit Amerikan, duke prezantuar prioritetet kryesore të avokimit të Odës Amerikane.

Diskutimi u përqendrua në forcimin e atraktivitetit të Kosovës për investimet amerikane, avancimin e prioriteteve të politikave që lidhen me energjinë dhe zhvillimin e kapitalit njerëzor, si dhe theksimin e rëndësisë së një angazhimi më aktiv dhe të strukturuar publiko-privat.

Zeka shprehu gjithashtu vlerësimin e Odës Amerikane për mbështetjen dhe angazhimin e vazhdueshëm të Qeverisë së Shteteve të Bashkuara të Amerikës në të gjitha përpjekjet e Odës Amerikane, duke përfshirë agjendën e sovranitetit digjital të Kosovës.