Një përballje e madhe e futbollit evropian në nivelin U21 zhvillohet sonte në stadiumin “Fadil Vokrri”, ku Kosova U21 pret kombëtaren e fuqishme të Spanjës U21 në kuadër të ndeshjeve kualifikuese për Kampionatin Evropian.

Sfida do të nisë në ora 19:00, dhe Federata e Futbollit të Kosovës ka bërë të ditur se hyrja për këtë ndeshje do të jetë falas, duke i ftuar të gjithë qytetarët të mbështesin Dardanët e rinj në këtë test të rëndësishëm.

Atmosfera pritet të jetë elektrizuese në zemër të Prishtinës, teksa përballja me një kundërshtar të kalibrit të lartë si Spanja përbën një rast ideal për të parë nga afër talentet e së ardhmes së futbollit kosovar.

“Forca Kosovë!” është thirrja që do të jehonë sonte në tribunat e stadiumit, me shpresën që ekipi i trajnerit të ri “Dardan” do të sigurojë një rezultat pozitiv dhe do të vazhdojë rrugëtimin e suksesshëm drejt Evropianit.