Komisioni Qendror i Zgjedhjeve (KQZ) ka njoftuar se ka nisur regjistrimi për votim i personave me nevoja të veçanta për zgjedhjet parlamentare të 7 qershorit.

Përmes një njoftimi në “Facebook”, KQZ-ja ka bërë me dije se qytetarët që për shkak të aftësisë së kufizuar ose nevojave të veçanta nuk mund të votojnë në vendvotimet e tyre, do të kenë mundësi të votojnë në adresën e tyre përmes ekipeve mobile.

Sipas KQZ-së, ky proces ka nisur sot dhe do të zgjasë deri më 31 maj.