Komisioni Qendror i Zgjedhjeve ka njoftuar se në 38 komunat e Kosovës po punohet pa pushim për Ditën e Zgjedhjeve më 12 tetor dhe procesin që fillon të hënën.

Në njoftimin për medie është bërë me dije se KQZ-ja ka caktuar Qendrat Komunale të Numërimit dhe, gjatë kësaj jave, Komisionet Komunale të Zgjedhjeve janë në procesin e përgatitjes së tyre për numërimin e votave të kandidatëve për anëtarë të Kuvendeve Komunale.