Kryetari i Partisë Demokratike të Kosovës (PDK), Memli Krasniqi, ka pritur të mërkurën në takim ambasadorin e ri të Gjermanisë në Kosovë, Rainer Rudolph.

Krasniqi ka bërë me dije se me ambasadorin gjerman ka diskutuar për zhvillimet politike në vend, bashkëpunimin ndërmjet Kosovës dhe Gjermanisë, si dhe rolin e rëndësishëm që Berlini ka luajtur gjithmonë në mbështetje të shtetit tonë.

“Kënaqësi të pres sot në selinë e Partisë Demokratike të Kosovës, ambasadorin e ri të Gjermanisë në Kosovë, Rainer Rudolph. Një takim i hapur dhe miqësor, me diskutime për zhvillimet politike në vend, bashkëpunimin ndërmjet Kosovës dhe Gjermanisë, si dhe rolin e rëndësishëm që Berlini ka luajtur gjithmonë në mbështetje të shtetit tonë.  Mirë se erdhët në Kosovë, z. ambasador dhe suksese në misionin tuaj të ri!”, ka shkruar Krasniqi në “Facebook”.