Kryetari i PDK-së, Memli Krasniqi gjatë së shtunës ka refuzuar takimin me kryeministrin në detyrë, Albin Kurti, për të diskutuar për Nenad Rashiqin.

Kështu ka treguar vetë Krasniqi i cili zbuloi se e refuzoi takimin përkundër kërkesës së kryetarit të VV-së, pasi siç u shpreh ai, kryeministri në detyrë dhe partia e tij kanë kundërshtuar takimin 10-minutësh për emrin e kryetarit të Kuvendit.

“Kam refuzuar ta takoja Kurtin, përkundër kërkesës së tij që të takohemi dhe të diskutojmë për Nenad Rashiqin. Kanë refuzuar të takohen 10 minuta për të zgjedhur një kryetar Kuvendi që do të ishte i denjë, jo një figurë kontroverse dhe problematike siç është Dimal Basha. Por për Rashiqin, Kurti dëshiron edhe me u takuar dhe të konsultohemi. Është e çuditshme”, u shpreh kreu i PDK-së gjatë së shtunës para fillimit të seancës.