U.d i drejtorit të ShSKUK-së, Valbon Krasniqi përmes një videoje ka treguar se Kosova është futur në një fazë kritike në përballjen me pandeminë Covid-19.

Ai ka thënë se dhjetëra njerëz po humbin jetën çdo ditë dhe se stafi shëndetësor po mundohet me kapacitete maksimale të ofrojë shërbime shëndetësore për të gjithë.

“Mos harroni, virusi ekziston, është më pranë sesa që ju ta mendoni. Vendoseni maskën, ruani distancën e kujdesuni për higjienën e juaj personale”, ka deklaruar pos tjerash Krasniqi.