Nënkryetari i Partisë Demokratike të Kosovës (PDK), Memli Krasniqi, pas takimit me ushtruesen e detyrës së presidentes, Vjosa Osmani, ka thënë se fundi i janarit do të ishte koha e përshtatshme për mbajtjen e zgjedhjeve të parakohshme.

“Unë e njoftova se ne e kemi mirëpritur vendimin sepse ka kohë që kemi kërkuar mbledhjen e partive politike për të bërë shpërndarjen e këtij legjislativi. Ne presim që data e zgjedhjeve të shpallet sa më shpejtë që të jetë e mundur, brenda atij harku kohorë që e përcakton edhe Gjykata Kushtetuese. Mendojmë që fundi i janarit do të jetë koha e duhur”, ka thënë ai.

Ai ka theksuar se zgjedhjet e parakohshme janë kërkuar edhe më parë nga PDK-ja.

“Është e domosdoshme që të mos humbet kohë. Viti i ardhshëm po vjen më shumë pikëpyetje të funksionimit institucional, por edhe probleme të tjera të funksionit normal të shtetit”, ka thënë Krasniqi.