Kryetari i Partisë Demokratike të Kosovës (PDK), Memli Krasniqi, ka bërë thirrje për pjesëmarrje në protestën në përkrahje të krerëve të UÇK-së që po gjykohen në Hagë.

Protesta do të mbahet më 17 tetor, ora 17:00, në sheshin “Skënderbeu” të Tiranës.

“Shqiptarët në këmbë për drejtësi! Më 17 tetor, ora 17:00, në sheshin “Skënderbeu” të Tiranës, protestë gjithëkombëtare në mbrojtje të çlirimtarëve tanë që po mbahen në Hagë. Le të jetë kjo protestë thirrja e të gjithë shqiptarëve, kudo që jetojnë, për të mbrojtur historinë, dinjitetin dhe luftën tonë për liri. Nga Tirana në Prishtinë, nga Shkupi në Ulqin, nga Presheva deri në diasporë, një zë, një qëndrim, një kauzë: Drejtësi për çlirimtarët tanë!”, ka shkruar Krasniqi në “Facebook”.

Thirrje për pjesëmarrje në këtë protestë ka bërë edhe kreu i AAK-së, Ramush Haradinaj.