Me ftesë të presidentes Vjosa Osmani, në Kosovë ka arritur Kreu i shtetit të Antigua dhe Barbudas, guvernatori i përgjithshëm, Sir Rodney Williams dhe Zonja e Parë, Lady Sandra Williams.

Në njoftimin e Presidencës është thënë se guvernatori i përgjithshëm do të qëndrojë për vizitë zyrtare në Republikën e Kosovës si dhe do të jetë pjesëmarrës i Forumit Ndërkombëtar për Gratë, Paqen dhe Sigurinë, i organizuar nën udhëheqjen e Presidentes Osmani.

Ai sot do të ketë edhe një takim me shefen e shtetit, Vjosa Osmani.