Kryeministri i Izraelit del në gjyq për korrupsion

24 maj 2020 | 08:57

Gjykimi për korrupsion i kryeministrit të Izraelit, Benjamin Netanyahu, do ta fillojë sot në një gjykatë të Jerusalemit. Ai është kryeministri i parë i këtij vendi që ndiqet penalisht për një krim, ndonëse i ka mohuar akuzat dhe ka thënë se i tërë procesi është një gjueti shtrigash.

Netanyahu pritet të paraqitet në Gjykatën e Qarkut të Jerusalemit vetëm një javë pasi u betua për mandatin e pestë në krye të qeverisë së unitetit, duke i dhënë fund një bllokade politike që zgjati më shumë se një vit.

Kundër tij në nëntor ishte ngritur akuzë për ryshfet, mashtrim dhe shkelje të besimit në tri raste që kishin të bënin me pranimin e dhuratave nga miqtë milionerë. Dyshohet se këto dhurata kanë ardhur në këmbim të favoreve për disa shefa të mediave, të cilët më pas do t’i bënin lajme pozitive kryeministrit.

Si kryeministër, Netanyahu nuk është i detyruar ligjërisht që të japë dorëheqje dhe ka thënë se beteja në gjykatë nuk do të ndikojë në aftësinë e tij për ta kryer punën e shefit të qeverisë, shkruan “Reuters”, transmeton Express.

Ai ka bërë kërkesë për falje, por gjykata ia ka refuzuar dhe ka thënë se është e rëndësishme që të shihet se drejtësia ka shkuar në vend.

Lajme të sponsorizuara

Të fundit
Kryetarja e Kuvendit të Kosovës, Vjosa Osmani, ka uruar besimtarët…