Kryetari i Komunës së Preshevës, Shqiprim Arifi është në gjendje të rëndë shëndetësore.

Ai ka njoftuar se aktualisht është nën përkujdesjen e ekipit mjekësor të Spitalit të Nishit, ndonëse ditë më parë ka dalë negativ në testin për Covid-19.

“Të nderuar qytetarë të Komunës së Preshevës Kam obligim moral të ju njoftoj se jam në gjendje të rëndë shëndetësore dhe gjindem momentalisht nën përkujdesjen e ekipit mjekësor në Spitalin e Nishit. Edhe pse kam kryer disa ditë më parë testin për korona me rezultat negativ, ndërkaq kam pasur përkeqësime të shëndetit dhe jam detyruar të shtrihem në Spital. Ju përshëndes të gjithëve”, ka shkruar Arifi.

Ai u ka kërkuar qytetarëve që ta shtojnë kujdesin dhe ta ruajnë veten e familjen.