Kryetari i Skenderajt: Sot kujtojmë me krenari luftën dhe heroizmin e Fehmi e Xhevë Lladrovcit
Kryetari i Komunës së Skenderajt, Bekim Jashari, ka kujtuar Fehmi e Xhevë Lladrovcin në 22-vjetorin e rënies së tyre heroike.
Ai ka thënë se Fehmiu dhe Xheva ishin nder figurat kyçe të Ushtrisë Çlirimtare të Kosovës (UÇK).
“22 vite nga rënia heroike e komandantit të Brigadës 114 të UÇK-së, Fehmi Lladrovci dhe heroinës Xhevë Lladrovci, nder figurave kyçe të Ushtrisë Çlirimtare të Kosovës. Sot kujtojmë me nder e krenari luftën dhe heroizmin e tyre drejt rrugës për Liri e Pavarësi. Fehmi Lladrovcin kam pasur fatin ta njoh në Gjermani, si një njëri i pendës dhe pushkës, një burrë i vendosur dhe i betuar për t’i dalë zot vatanit. Ai u kthye në Kosovë pa u përshëndetur me shokët në Gjermani dhe pas luftës heroike që bëri bashkë me Xheven e bashkëluftëtarët tjerë ra në altarin e Lirisë për të mos vdekur kurrë. Lavdi jetës dhe veprës heroike të Fehmi dhe Xhevë Lladrovci! Lavdi të gjithë dëshmorëve të rënë për Liri!”, ka shkruar kryetari Jashari në llogarinë e vet në “Facebook”.
Publiée par Bekim Hamëz Jashari sur Mardi 22 septembre 2020
(F.D / Epoka e re)
