Kryeministri i Republikës së Kosovës, Albin Kurti, ka emëruar Genc Nimonin në pozitën e zëvendësministrit të parë të Drejtësisë.

Në njoftimin zyrtar thuhet se, gjatë mandatit të kaluar, Nimoni ka shërbyer si Shefi i Kabinetit të ministres së Drejtësisë.

“Kryeministri Kurti e uroi Nimoni për detyrën dhe i dëshiroi suksese në përmbushjen e përgjegjësive të tij”, theksohet në njoftim.

Ndryshe, ministre e Drejtësisë për këtë mandat katërvjeçar të “Kurti 3” është emëruar Donika Gërvalla.