Fatmir Limaj, kryetar i Nismës Socialdemokrate është pyetur për protestën e madhe të bizneseve prodhuese të cilët kanë bllokuar rrugët hyrëse në Prishtinë – për shkak të vendimit të Qeverisë së Kosovës përmes ZRrE-së për t’i vendosur në të ashtuquajturin treg të lirë, ku tashmë çmimet e energjisë elektrike janë gati trefishuar.

Limaj i ka çuar porosi Albin Kurtit, partnerit të tij potencial, se kërkesat e bizneseve duhet të merren shumë seriozisht.

“Duhet m’u marrë shumë seriozisht. Seriozisht, shumë seriozisht. Mos harroni bizneset janë motori i zhvillim ekonomik të Kosovës. Duhet më shumë kujdes të trajtohet ajo temë. Keni prek në pikën time të dobët. Energjia është edhe në paketën time ligjore”, ka thënë Limaj.