Kurti me ministra sot shkon në Gllogjan për homazhe

24 mars 2023 | 10:22

Kryeministri i Republikës së Kosovës, Albin Kurti, bashkë me kabinetin qeveritar, sot do të bëjë homazhe në Kompleksin Memorial “Dëshmorët e Kombit” në Gllogjan.

Homazhet do të nisin nga ora 11:30.

Ndërkaq, më pas, Kurti do të shkojë në vizitë te familja Haradinaj në Gllogjan.

Po ashtu, nga ora 12:00, Kurti merr pjesë në akademinë përkujtimore tek oborri i Kullës Haradinaj në Gllogjan.

Sot bëhen 25 vjet nga zhvillimi i betejës së Ushtrisë Çlirimtare të Kosovës në Gllogjan, që ndryshe njihet Epopeja e Dukagjinit.

Gjatë ditës së sotme do të ketë disa aktivitete, e cila njihet edhe si Dita e Dëshmorëve të Dukagjinit.

Më 24 mars 1998 në Gllogjan është zhvilluar beteja frontale nga forcat e UÇK-së dhe forcave të armikut, të cilat e kishin rrethuar Gllogjanin. Synim kishin shtëpinë e familjes Haradinaj, ku hasën në rezistencë të fuqishme. Në këtë ditë ranë dëshmorë Himë Haradinaj, Gazmend e Agron Mehmetaj.

Lajme të sponsorizuara

Të fundit
Trepça ka hapur rreth 100 vende të lira të punës.…