Kandidati për kryeministër nga radhët e Lëvizjes Vetëvendosje, Albin Kurti, ka thënë se mërgata do t’i prijë fitores së kësaj lëvizje më 14 shkurt.

“Mërgata i prinë fitores plebishitare të 14 shkurtit. Prandaj, është jetike që bashkatdhetarët të mos presin afatet e fundit për dërgimin e votave drejt vendlindjes”, ka shkruar Kurti në një video të publikuar në llogarinë e vet në “Facebook”, ku i ka bërë thirrje mërgatës që të votojë masivisht më 14 shkurt.