Kurti në Dubrovnik: Ulim numrin e njësive speciale të policisë kur të mos ketë ekstremistë të dhunshëm

09 qershor 2023 | 16:12

Kryeministri i Kosovës, Albin Kurti, ka thënë në veri shteti ka të bëjë me “ekstremistë të dhunshëm, ultra-nacionalistë, të djathtë ekstremë që besojnë në ‘Botën Serbe’ dhe e shohin me botën ruse…këta janë njerëz që adhurojnë Sllobodan Millosheviqin dhe Vladimir Putinin”.

Kurti nga i cili pritet që të adresojë kërkesat unanime të komunitetit ndërkombëtar trans-atlantik është shprehur se Kosova “ka nevojë për sundim të ligjit dhe një datë për zgjedhje të reja”, ndërsa “për uljen e prezencës së njësive speciale” në afërsi të komunave, ai është shprehur se kjo gjë konsiderohet kur të mos ketë “ekstremistë të dhunshëm”.

Në konferencën “Kroacia Evropiane: Retrospektivë dhe Perspektivë”, Kurti ka folur edhe rreth zbatimit të marrëveshjes bazë për normalizim të marrëdhënieve “si rrugë përpara” dhe si “marrëveshje që duhet zbatuar”.

“Është një arritje e madhe e Bashkimit Evropian. Kemi arritur në një situatë ku Kosova dhe Serbia janë pajtuar për një marrëveshje për normalizim të marrëdhënieve”, ka cituar Radio Evropa e Lirë (shërbimi në gjuhën serbe).

Kryeministri i Kosovës ka thënë në Dubrovnik se “Bashkimi Evropian është projekti më i rëndësishëm i paqes dhe prosperitetit që nga Lufta e Dytë Botërore” dhe se ai iu bashkua dialogut me Serbinë sepse ishte “organizuar nga Bashkimi Evropian, i cili e lehtëson atë bisedë”.

Lajme të sponsorizuara

Të fundit
Lideri i AAK-së dhe ish-komandanti i UÇK-së në Dukagjin, Ramush…