Kryeministri në detyrë i Kosovës dhe deputeti Albin Kurti, ka thënë se një herë duhet konstituar Kuvendi e më pas të flitet për formimin e qeverisë.

Ai është prononcuar për “Istogu Channel” pasi vendosi gurthemelin e projektit të banimit të përballueshëm dhe social në Istog, i shoqëruar nga ministri në detyrë i Mjedisit, Planifikimit Hapësinor dhe Infrastrukturës, Liburn Aliu dhe kryetari i Istogut, Ilir Ferati.

“Një herë Kuvendi, pastaj qeveria”, u shpreh Kurti.

Nesër (e enjte) në orën 10:00 do të jetë vazhdimi i nëntë i seancës konstituive të Kuvendit të Kosovës.