Kryeministri në detyrë, Albin Kurti, nuk ka pranuar të përgjigjet lidhur me dorëheqjen e Liburn Aliut nga posti i ministrit të Mjedisit, Planifikimit Hapësinor dhe Infrastrukturë.

I pyetur nga gazetarët se cili është qëndrimi i tij për largimin e Aliut, i cili erdhi pas zgjedhjes së Dimal Bashës kryetar të Kuvendit, Kurti e ka shmangur këtë temë, duke thënë se nuk ishte momenti i duhur për ta komentuar.

“Nuk është as vendi, as dita për këtë”, ka thënë Kurti gjatë homazheve me rastin e Ditës Ndërkombëtare të Viktimave të Zhdukjeve me Dhunë.