Kryeministri në dorëheqje, Albin Kurti gjatë një interviste në RTK, ka thënë se nuk do t’i votojnë kandidatët për nënkryetarë të Kuvendit nga subjektet e tjera politike.

Kurti tha se në qoftë se këta duke i’u drejtuar PDK, LDK dhe AAK, nuk e votojnë Albulena Haxhiun atëherë as VV nuk do t’i votojë kandidatët e tyre për nënkryetarë të Kuvendit.

“Kurrë nuk e kemi bllokuar Kuvendin duke mos bërë propozimin tonë. Uroj që edhe ata (PDK, LDK AAK), të propozojnë kandidatët e tyre për nënkryetar. Ne do t’i pranojmë. Por nëse nuk e pranojnë tonën (Albulena Haxhiun), atëherë ata po kërkojnë që të mos i pranojmë të tyre…Nëse opozita është e sigurtë që Albulena nuk kalon sigurt le ta provojmë me votimin e fshehtë. Ne do ta repektojmë vendimin e Gjykatës Kushtetuese i kem dy raste në Gjykatë. Rasti i parë manipulim i votave me postë dhe rasti i dytë ky i dërguar së fundmi. Kërkojnë ndërrimin e kandidatës por të mos ndërrohet metoda. Ne kemi provuar metodën e hapur nuk ka pas sukses, e kemi provuar metodën tjetër”, tha Kurti në RTK. Periskopi.