Kryeministri në detyrë, Albin Kurti, shpreson që nesër do të zgjidhet edhe nënkryetari i Kuvendit të Kosovës nga komunitetet serbe.

“Ka ngelur edhe një nënkryetar që të zgjidhet, besoj së më së miri do të ishte që të kryhet kjo punë nesër, duke e përzgjedhur Nenad Rashiqin, i cili e pranon Republikën e Kosovës, punon për institucionet e shtetit tonë dhe njëkohësisht është ministri i cili ka bërë më së shumti për komunitetin serb në vendin tonë”, ka thënë sot Kurti në një deklarim për gazetarë.