Deputetja e Vetëvendosjes, Mimoza Kusari-Lila është deklaruar pak para nisjes së seancës së 48-të konstituive.

Ajo ka thënë se zhbllokimi i Kuvendit do të duhej të ishte e lehtë, nëse, sipas saj deputetët do ta kryenin obligimin e tyre kushtetues, votimin.

“Pjesa tjetër e procesit në Kuvendin e Kosovës do të duhej të ishte shumë më e lehtë për t’u zhbllokuar, nëse deputetët do të kryenin obligimin e tyre kushtetues, votimin”, ka thënë ajo.

Kusari-Lila ka theksuar se nuk do të mjaftonin  vetëm votat e Nismës, pasi iu duhen 61 vota, e me votat e partisë së Fatmir Limajt janë 60.