Kuvendi Komunal i Prishtinës do të zhvillojë me datën 9 dhjetor  mbledhjen inauguruese, duke filluar nga ora 10:00. Kryetari i zgjedhur i Prishtinës, Përparim Rama, ka caktuar mbledhjen inauguruese të Kuvendit të Kryeqytetit, që do të zhvillohet më 9 dhjetor 2025, duke filluar nga ora 10:00, në sallën e madhe të Kuvendit.

Thirrja është bërë në bazë të Ligjit për vetëqeverisje lokale dhe Udhëzimit Administrativ për mbajtjen e mbledhjeve të Kuvendit të Komunës.

Sipas njoftimit, mbledhja inauguruese do të ketë këtë rend dite:

Betimi i anëtarëve të Kuvendit të Kryeqytetit;

Betimi i Kryetarit të Kryeqytetit;

Zgjedhja e Kryesuesit të Kuvendit të Kryeqytetit.

Kuvendi Komunal i Prishtinës, të enjten e 27 nëntorit ka mbajtur një seancë të jashtëzakonshme ku ka votuar për bartjen e mjeteve vetanake nga viti 2024 në vitin 2025 që kapin vlerën e 28 milionë eurove.