Shkruan: Halil Matoshi

1

Në analizën “Kurti e ka marrë shtetin peng – pra nuk e njeh verdiktin e Gjykatës Kushtetuese!?” të datës 27 qërshor, 2025 kam shkru, paragrafi 4.:

“Sëkatërti, detyrimi që Kuvendi të konstituohet për 30-ditë duket që âsht nji saktësim i “kohës së arsyeshme” nga verdikti i vitit 2014, porse Gjykata Kushtetuese nuk ka mjete detyrimi në dispozicion që deputetët i detyron të veprojnë me etikë dhe përgjegjësi politike. Në këtë aspekt Lëvizja Vetëvendosje ka ende mekanizma bllokues (interpretimi simas rezonit të vet bllokues i verdiktit, moszgjedhja e Nënkryetarëve dhe posaçëm atij të Listës Serbe, si kategori kushtetuese;) Pika 131 e ajtgjykimit.”

2.

Kurse në shkrimin “Ndalne me forcën e ligjit Listën Serbe – jo me politika populliste!” të datës 23 gusht, 2025 poashtu e kam ekzaminu saktësisht mësymjen e Kurtit, në parageafin 6.:

“E tash?

PZAP (sikur para zgjedhjeve të shkurtit, 2025) ose në ekstrem Gjykata Supreme e urdhnon KQZnë me e certifiku Listen Serbe, sepse ashiqare duhet jo nji çantë (si ajo e Xhelal Sfeçles dje në Kuvend!?) por nji rimorkio dëshmi para nji gjykate për të kundërten!

Kurti akuzon sërish “tjerët” për kolaboracionizëm me Listën Serbe dhe stigmatizon gjyqsorin.

Në Kuvend VV nuk e voton nënkryetarin e kësaj liste (që âsht qëllimi fill e për pé i kësaj beteje!?) dhe Kuvendi nuk konstituohet! (…)”

PS

Pos këtyne shkrimeve e kam paralajmnu moti në Politiko dhe Adresa në Kanal 10.

Kush e mânë mèn, mirë, kush jo, t’i grahë me situatë revolucionare!?

Kosova ahtisaariane âsht nën sulm të klasës politike!

(Ndiqeni Halil Matoshin nga minuta e 40-të.)