Maqedonia e Veriut ka publikuar bilancin e 24 orëve me Covid-19.

Në 24 orët e fundit nga 1.325 testet e kryera, në Maqedoninë Veriore janë regjistruar 119 raste të reja të të infektuarve me Covid-19. Ndërsa kanë vdekur 4 pacientë, tre nga Shkupi të moshës 65, 66, dhe 73 vjeçe dhe një pacient nga Gostivari i moshës 72 vjeçe.

Ndërkohë Instituti i Shëndetit Publik ka regjistruar 89 pacientë të shëruar.

Numri i përgjithshëm i personave të diagnostikuar në Maqedoninë Veriore që nga fillimi i pandemisë ka arritur në 10.617 persona, numri i të shëruarve në 6.020. Ndërsa numri i rasteve aktive ka arritur në 4.117, ndërsa numri i pacientëve që kanë vdekur që nga fillimi i pandemisë e deri me tani ka shkuar në 480.