Në kuadër të projektit të USAID-it për komunat transparente, efektive dhe llogaridhënëse (TEAM), kryetari i Komunës së Rahovecit, Smajl Latifi me bashkëpunëtorë ka pritur të enjten në një takim informues delegacionin nga ky projekt ku është njoftuar më gjerësisht rreth projektit.

Në këtë takim është prezantuar qëllimi i këtij projekti që është ngritja e transparencës dhe llogaridhënies, në bazë të vlerësimeve për performancë më të mirë.

Qëllimi kryesor është ngritja e kapaciteteve sidomos në fushën e prokurimit publik.

Kryetari Latifi, fillimisht ka falënderuar pjesëmarrësit për takimin si dhe ka shprehur gatishmërinë e tij për bashkëpunim të mëtutjeshëm, duke theksuar që ky projekt është shumë i rëndësishëm për komunën e Rahovecit në shtimin e kontrollit efektiv në fushën e prokurimit publik.