Sot është mbajtur takimi i radhës ndërmjet kryeministrit Albin Kurti dhe kreut të LDK-së, Lumir Abdixhiku, në kuadër të konsultimeve për çështjen e presidentit.Sipas burimeve të Gazeta Blic, në këtë takim, që ishte i treti me radhë, Kurti nuk ka përmendur asnjë emër konkret për postin e Presidentit.

Po ashtu nga të njëjtat burime mësohet se ai sërish nuk e ka përmendur presidenten aktuale, Vjosa Osmani. Burimet bëjnë të ditur se Kurti ka diskutuar për skenarë të mundshëm lidhur me procesin e zgjedhjes së presidentit, përfshirë edhe opsionin që Lëvizja Vetëvendosje të propozojë dy kandidatë për këtë post.

Megjithatë, për këta skenarë nuk është arritur ndonjë pajtim apo aprovim nga ana e LDK-së. Të njëjtat burime konfirmojnë se Lidhja Demokratike e Kosovës nuk pritet të qëndrojë në sallë nëse nuk ka një marrëveshje politike për çështjen e Presidentit

“Gazeta Blic” po ashtu merr vesh se se Lëvizja Vetëvendosje ka shumë gjasa që të shkojë me emrin e Glauk Konjufcës, që mban aktualisht postin e Ministrit të Punëve të Jashtme dhe Zv/Kryeministër megjithëse deri tani nuk ka asgjë zyrtare dhe konkrete nga ky subjekt politik. Takimi Abdixhiku-Kurti edhe sot përfundoi pa ndonjë marrëveshje konkrete dhe emër të përveçëm.

Nesër me 4 mars është afati i fundit për zgjedhjen e Presidentit të ri të vendit dhe takimet ndërmjet Kurtit dhe akterëve kryesorë politikë në vend janë intensifikuar megjithëse deri tani pa një marrëveshje apo rezultat konkret.