Viti 2020 që po mbyllet ishte sa pozitiv aq edhe i trishtë për basketbollistin LeBron James. Ai triumfoi me Lakers, duke u shpallur kampion në NBA për të katërtën herë në karrierën e tij. Gjithsesi, ai nuk harron 26 janarin, kur erdhi lajmi i kobshëm për vdekjen e Kobe Bryant.

Për këtë arsye, në unazën e kampionit që mori pak ditë më parë, kur nisi sezoni 2020-2021, ai kishte vendosur numër 24 në të. Ky është numri që Kobe Bryant mbante në shpinë kur luante me Lakers.

Në këtë mënyrë, James ka kujtuar e nderuar mikun e tij, duke postuar edhe një foto në “Instagram”. “Kjo është ajo që ndjeva kur vendosa unazën në gisht. Të dua dhe më mungon shumë vëllai im”, shkruan LeBron James.