Rap-artisti i njohur shqiptar, Ledri Vula, ka prezantuar ditën e sotme (e diel) këngën e re.

“Përshëndetje hejter” mban titullin kënga e tij e re, në të cilën ka trajtuar disa çështje nga e kaluara.

Ai ka përmendur disa emra, nga të cilët ka marrë ofendime, varësisht prej ngjarjeve që kanë ndodhur vite më parë.

Teksti është shkruar nga vet artisti, kurse për producimin u përkujdes LIS.

Miksimi ndërkohë u realizua në studion e REDBOX Entertainment me video nga Supercut Studio.

“Përshendetje krejt hejterave. Kjo është diçka e veçantë për ju. Mos e merrni afër zemrës se prapë ju dua”, tha ai pas lansimit të kësaj kënge.

Kjo duket se është pjesë e albumit të tij të ri që do të quhet “1 Goat për ty”.