Anëtari i AAK-së, Pal Lekaj, e përshkroi udhëheqësin e AAK-së, Ramush Haradinaj, si një simbol të lirisë dhe të historisë së vendit, teksa theksoi rolin e pazëvendësueshëm të Haradinajt në Luftën e UÇK-së.

Lekaj tha se historia e vendit nuk është shkruar me letra, por me gjakun e dëshmorëve dhe me sakrificat e atyre që dhanë jetën për atdheun. Sipas tij, Ushtria Çlirimtare e Kosovës nuk përfaqëson vetëm një kapitull të së kaluarës, por është kujtesë e gjallë dhe e freskët e popullit.