Nga Prof. Jeton Kelmendi

Parti e Albin Kurit e cila u formula para afër dy dekadash në rrethane shumë specifike dhe me një qasje poluliste dhe krejt joracionale pas disa pale zgjidhjesh arriti që të shënoj një rekord, duke marrë mbi 50 perqind të votave me 2021, ndërsa me 2025 serish doli bindshëm e para por jo sikur para katër vitesh. Ky njeri dhe soji i politikës së kësaj partie po mendojnë se serish duhet qeverisur vet, ndonëse nuk i kanë votat e mjaftueshme. Lëvizja dhe vet lideri i saj kanë hyrë në një enklavë politike, duke mohuar partitë tjera shqiptare dhe kësi soji po shkaktojnë krizë institucionale.

Çfarë është një Enklavë Politike?

Në kontekstin politik, një enklavë politike i referohet një subjekti ose grupi që funksionon në mënyrë të izoluar brenda një sistemi më të gjerë politik, duke ruajtur ideologji, qëndrime dhe praktika që dallojnë ndjeshëm nga ato të pjesës tjetër të spektrit politik. Këto subjekte shpeshherë refuzojnë bashkëpunimin me aktorë të tjerë politikë dhe mbajnë një qëndrim të fortë kundër kompromisit, duke e parë veten si të vetmet përfaqësuese të vërteta të interesave të popullit. Kjo është definicioni, por cili është realcioni i VV-së me realitetin kosovarë.

Vetëvendosje: Një Enklavë Politike në Kosovë dhe veprime izolimi ideologjik

Lëvizja Vetëvendosje, e udhëhequr nga Albin Kurti, ka shfaqur karakteristika të një enklave politike në skenën politike të Kosovës që nga formimi I saj, një here si lëvizje në rrugë, për ta vazhduar edha tani si fituese e zgjidhjeve. Që nga themelimi i saj në vitin 2005, LVV ka ndjekur një ideologji të majtë, duke u pozicionuar si një alternativë ndaj partive tradicionale dhe duke refuzuar bashkëpunimin me to. Fillimisht ishte përplot patriotizëm dhe bashkim kombëtarë, për të vazhduar në ftohjen më të madhe politike me Shtetin Shqiptar tani nga pozita e pushtetit. LVV ka ndjekur një linjë të fortë ideologjike, duke u pozicionuar si një lëvizje që synon ndryshime rrënjësore në shoqëri. (Prej Bashkimit kombëtar deri te lufta kundër korrupsionit). Kjo ideologji e ka bërë të vështirë për LVV-në të bashkëpunojë me partitë e tjera, të cilat i sheh si pjesë të një sistemi të korruptuar dhe të dështuar. Kjo qasje ka çuar në izolimin e LVV-së në skenën politike, duke e bërë atë një enklavë politike që funksionon jashtë konsensusit të përgjithshëm politik. Në fakt kjo qasje demagogjike e ka bërë ketë subjekt politik të fuqishëm në elektorat, por asnjë here te fuqishëm me veprime politike dhe as me ekspert. Këto veprime jo vetëm se e kanë future në enklavë politike ketë parti, por edhe e kanë ndeshur fort me faktorin politik ndërkombëtarë, derisa e kanë future Kosovën në masa ndëshkimore BE.

LVV ka treguar një mungesë të gatishmërisë për të bërë kompromise me partitë e tjera politike. Kjo është parë në rastin e bashkëqeverisjes me Lidhjen Demokratike të Kosovës në vitin 2020, e cila përfundoi shpejt për shkak të mosmarrëveshjeve të thella ideologjike dhe mungesës së fleksibilitetit nga ana e LVV-së.

Qasja populiste dhe retorika kundër elitave

LVV ka ndjekur një qasje populiste, duke e paraqitur veten si përfaqësuese të vullnetit të popullit dhe duke i akuzuar partitë e tjera për korrupsion dhe tradhti ndaj interesave kombëtare. Kjo retorikë ka ndihmuar në mobilizimin e mbështetjes popullore, sidomos diaporës, por ka kontribuar edhe në izolimin e mëtejshëm të LVV-së nga pjesa tjetër e spektrit politik. Thjeshtë askush nga partitë politike shqiptare nuk i beson më për asgjë as Kurtit e as VV-s.

LVV ka shfaqur një qëndrim skeptik ndaj bashkëpunimit edhe me aktorë relevant ndërkombëtarë, duke i akuzuar ata për ndërhyrje në punët e brendshme të Kosovës. Kjo ka çuar në tensione me partnerët ndërkombëtarë dhe ka ndikuar negativisht në procesin e integrimit evropian të vendit.

Lëvizja Vetëvendosje ka ndjekur një rrugë të veçantë në politikën kosovare, duke u pozicionuar si një enklavë politike që funksionon jashtë konsensusit të përgjithshëm politik. Ndërsa kjo qasje ka ndihmuar në mobilizimin e mbështetjes popullore dhe në paraqitjen e LVV-së si një alternativë ndaj partive tradicionale, ajo gjithashtu ka çuar në izolimin e saj dhe në vështirësi në ndërtimin e koalicioneve dhe në bashkëpunimin me aktorë të tjerë politikë dhe ndërkombëtarë. E tani paramendojeni sikur të ishte ky Kurt dhe kjo me ketë fuqi politike para 30 vitesh, ose edhe 20 vitesh, pra para pavarësisë, se çka do të fitonte Kosova dhe a do të çlirohej vendi me ketë mendësi enklaviste?