Sulmuesi Robert Lewandowski thuhet se është i vendosur ta mbyllë karrierën në Real Madrid.

33-vjeçari ka qenë me Bayern Munchenin që nga viti 2014, duke përfaqësuar kampionët e Bundesligës në 358 ndeshje në të gjitha garat, duke shënuar 329 gola dhe duke kontribuar në 68 asistime në këtë proces.

Marrëveshja aktuale e Lewandowskit në “Allianz Arena” do të skadojë në qershor 2023, megjithatë ka pasur një mori spekulimesh rreth së ardhmes së sulmuesit në muajt e fundit.

Sipas “AS”, sulmuesi polak dëshiron ta përfundojë karrierën në Real dhe është i interesuar për t’iu bashkuar kësaj skuadre në afatin kalimtar të verës.