Një debat publik mes ish-kryetarit të Vushtrrisë, Xhafer Tahiri, dhe gazetarit Lirim Mehmetaj ka marrë vëmendje të madhe në rrjetet sociale, duke reflektuar tensionet e fushatës zgjedhore në komunë.

Tahiri, në një postim të gjatë, kujtoi një moment të vitit 2024 pranë Pallatit të Drejtësisë, kur tha se i kishte ofruar Mehmetajt ndihmë juridike falas pas një intervistimi në Prokurori. Ai shtoi se ishte i befasuar nga deklaratat e fundit të gazetarit, të cilat i quajti sulme të motivuara politikisht:

Gazetari Lirim Mehmetaj reagoi menjëherë duke e demantuar Tahirin:

“Kurrë në jetën tënde ti mua asnjë shërbim avokatie nuk ma ke ofruar e as unë s’ta kam kërkuar ndonjë lloj ndihme… Më ke kërkuar të bëjmë fotografi dhe kam pranuar… Nëse ke pranuar të jesh avokat i Faruk Mujkës dhe nuk sheh gjë të keqe, atëherë përse po e trajton si sulm një të vërtetë? Lëri këto metoda se nuk funksionojnë. E ka provuar Vetëvendosja tashmë.”

Mehmetaj gjithashtu ironizoi pretendimet për “mozaikët” e përmendur nga Tahiri, duke thënë se aktakuza ndaj Faruk Mujkës është çështje e Prokurorisë dhe jo pjesë e ndonjë komploti politik:

“Po të mos ngriste aktakuzën Prokuroria as që do të më kujtohej ky detaj… Ose ndoshta po mendon se Prokuroria në koordinim me mua ka vendosur që Faruk Mujkës t’ia ngrit aktakuzën në fushatë vetëm që unë më pas ta shkruaj një status. Hhahahahha.”

 

Ky shkëmbim i ashpër deklaratash ka ndezur debatin publik në Vushtrri, duke e vendosur çështjen e integritetit të figurave publike dhe raportin mes politikës e medias në qendër të vëmendjes gjatë garës zgjedhore.